Poslovne vijesti - Makedonija

Македонец од Турција планира голема инвестиција во Скопје

Турски бизнисмен со потекло од Македонија сака да ги искористи поволните услови за водење бизнис и има намера да инвестира во родната земја.

Македонецот роден во општината Долнени сама во Скопје да изгради стручни училишта, згради и да отвори мрежа на продавници.

Според информациите на Скопјеинфо, станува збор за брачен пар кој во моментов има сопствен бизнис во Турција и донеле одлука својата инвестиција да ја прошират и во Македонија. Неофицијално станува збор за Македонец кој има позната мрежа на продавници за бела техника во Турција, а истовремено е сопственик и на поголема фабрика. Освен во белата техника, бил заинтересиран и за изградба на станбени и деловни згради во Скопје. Информациите говорат дека многу брзо се очекува негов влез на пазарот во Македонија, бидејќи бил позитивно изненаден од поволните услови за инвестирање во Македонија.

Засега најавува голема инвестиција и отворање на голем број работни места. Најголемиот дел од нив ќе бидат во Скопје, но се планира и ширење на мрежата низ останатите градови во државава.